| قدرت اللہ شہاب | |
| جمن پو: | 26 فروری 1917 گلگت، پاکستان |
| مرن پو: | 24 جولائی 1986 اسلام آباد، پاکستان |
| کم: | اردو لکھاری، ادیب، بیوروکریٹ |
| گن: | اردو، ناول |
| دیس: | پاکستان |
| مشہور لکھتاں: | شہاب نامہ |
قدرت اللہ شہاب، پاکستان وچ اردو ادب دے جانے پچھانے لکھاری تے سِول سروس دے ملازم سن۔ قدرت اللہ شہاب دی مشعوری دی سب توں وڈی وجہ اوناں دی آپ بیتی اے جیڑی شہاب نامہ دے ناں توں شائع ہوئی۔
جیون
قدرت اللہ شہاب دا جمن پوہ گلگت اے جتھے ڈوگرہ داج دے ویلے ایناں دے والد عبداللہ صاحب گورنر سی۔ عبداللہ صاحب دا تعلق علی گڑھ نال سی تے او سر سید احمد خان دی سرپرستی چ ایم اے او کالج دے پڑھاکو رئے سی۔ فیر او علی گڑھ توں گلگت ٹر گئے۔ گریجویشن پرنس آف ویلز کالج جموں تے انگریزی وچ ایم اے گورنمنٹ کالج لہور توں پاس کیتا۔
شہاب نے لکھت دی شروعات اردو تے انگریزی بولیاں وچ کیتی۔ سولہ سال دی عمر وچ اوناں نے ریڈرز ڈائجسٹ لندن دے تحت ہون آلے مضمون لکھن دے مقابلے چ انعام جتیا۔
ملازمت
انڈیئن سول سروس
1940 وچ اوہ انڈیئن سول سروس وچ بھرتی ہو گئے۔ 1943 وچ اوہناں دی تقرری صوبہ بنگال وچ ہو گئی۔ 1943 دے قحط ویلے اوناں نے بنگال دے لوکاں لئی بڑا کم کیتا تے ذخیرہ کیتی ہوئی مونجی دا کج حصہ اوناں پکھے لوکاں وچ ونڈ دتا۔ جیدی وجہ توں اوناں دی وڈی مخالفت دا سامنا کرنا پیا۔
پاکستان چ ملازمت تقسیم ھند توں بعد ازاد کشمیر دی حکومت چ سیکرٹری جنرل دی حیثیت نال کم کیتا۔ فیر کج چر لئی گورنر جنرل پاکستان غلام محمد ملک، سکندر مرزا تے صدر ایوب خان دے سیکریٹری وی رہے۔ پاکستان وچ جنرل یحییٰ خان دے حکومت وچ آؤن توں بعد اوہناں نے سِول سروس توں استعفا دے دتا تے اقوام متحدہ دے ادارے یونیسکو وچ کم کرن لگ گئے۔
لکھت
شہاب نے اپنی لکھت دی شروعات تے بڑی پہلاں کیتی لیکن اوناں دی اصل مشعوری اردو چ افسانے /کہانیاں لکھن نال ہوئی تے چھیتی ای اوہناں دا شمار اردو ادب دے منے پرمنے لکھاریاں وچ ہون لگ گیا۔