Mario Monicelli

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

	Aiuto per la lettura
	Ayuda para la lectura
	Help for Reading
	Rintré ant la Piòla
	Contaté j'Aministrator
	Lìber për Amprende
	Coression ortogràfica
	Tastadura piemontèisa
	Portaj e Proget
	Agiut pr'ij Contributor
	Travajòt sempi

Mario Monicelli (nassù a Roma ël 16 ëd magg dël 1915, mòrt a Roma ël 29 ëd novèmber dël 2010) a l'é stàit un regista, scenegiator e scritor italian, considerà un dij pì grand esponent ëd la comedia a l'italian-a. A l'é stàit candidà ses vire al Premi Oscar e a l'ha vagnà 'l Leon d'òr a la cariera a la Mostra dël Cine ëd Venessia dël 1991.

Monicelli a l'era fieul dël giornalista e crìtich teatral Tommaso Monicelli. Për tant temp a l'é stàit chërdù ch'a fussa nassù a Viareggio (andoa chiel midem a fortìa d'esse nà), ma arserche dël crìtich Steve Della Casa a l'han dimostrà che sò ver leu ëd nàssita a l'era Roma. A l'é laureasse an stòria e filosofìa a l'Università ëd Pisa.

A l'ha ancaminà la cariera con dij curtometrage sperimentaj, peui a l'é dventà assistent a la regia e scenegiator. La svòlta a l'é rivà dël 1958 con I soliti ignoti, considerà 'l prim film ëd la comedia a l'italian-a. D'àutri caplavor a son La grande guerra (1959, Leon d'òr a Venessia), L'armata Brancaleone (1966), Amici miei (1975), Un borghese piccolo piccolo (1978), Il Marchese del Grillo (1981).

Dël 2010, malavi ëd càncher a la pròstata e për nen soporté pì la veciaja e la dipendensa da j'àutri, a l'é massasse campand-se da la fnestra dl'ospidal San Giovanni a Roma, anté ch'a l'era ricoverà. Sò pare Tommaso a l'avìa fàit l'istess dël 1946.

• Viareggio