Kosovo

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

	Aiuto per la lettura
	Ayuda para la lectura
	Help for Reading
	Rintré ant la Piòla
	Contaté j'Aministrator
	Lìber për Amprende
	Coression ortogràfica
	Tastadura piemontèisa
	Portaj e Proget
	Agiut pr'ij Contributor
	Travajòt sempi

Ël Kosovo (Kosovë / Kosova an albanèis, Косово an serb) a l'é un teritòri dl'Euròpa balcanica sota protession anternassional, reclamà da la Serbia.

A confin-a con Macedònia dël Nòrd, Albanìa, Montnèigr e Serbia.
La capital a l'é Prìstina.
A l'ha na surfassa ëd 10.887 km² e a conta apopré 2.200.000 abitant.

Ël Kosovo a l'ha fàit part ëd l'Imperi Otman dal 1389 al 1912.
Dël 1912, dòp le guère balcàniche, a l'é stàit destinà a la Serbia e a l'é andàit dapress a sò destin (1919: Regn dij Serb, Croat e Sloven; 1929: Regn ëd Jugoslavia).
Durant la Sconda guèra mondial a l'é stàit unì a l'Albanìa italian-a.
Dël 1945, quand che Tito a l'hà fondà la Repùblica Socialista Federal dla Jugoslavia, ël Kosovo a l'é diventà na provinsa autònoma dla Serbia, ma ij Kosovar a l'han sèmper ciamà ëd diventé la repùblica nùmer set dla Jugoslavia.
Ant ël mars dël 1989 Slobodan Milošević a l'ha gavà l'autonomìa al Kosovo e a l'ha tacà a dëscriminé ij Kosovar ëd lenga albanèisa (anviron ël 90% dla popolassion).
Dël 1996 l'UCK (Ushtria Çlirimtare e Kosovës', Esèrcit ëd liberassion dël Kosovo) a l'ha tacà la guerija contra l'esèrcit e la polissìa serba e dël 1999, dòp vàjre massacri d'albanèis, ij pais dla NATO a l'han atacà la Serbia e ocupà 'l Kosovo.
Ai 17 ëd fërvé dël 2008 ël govern pròvisori dël Kosovo a l'ha proclamà l'indipendensa an manera unilateral.
La Repùblica dël Kosovo a l'é staità arconossùa da 115 stat (al 2015) dont Stat Unì d'América, Regn Unì, Fransa, Gërmania, Italia), ma nen da Russia, Cin-a e Serbia, ch'a considera 'l Kosovo na soa provinsa (Косово и Метохија, Kosovo i Metohija).

Ël Kosovo (nòm ofissial: Republika e Kosovës / Република Косово) a l'é na repùblica.
Ël president a l'é Vjosa Osmani (dal 2021).
Ël Prim Ministr a l'é Albin Kurti (dal 2021).

Ël Kosovo a partìssipa al Fond Monetari Antërnassional e a la Banca mondial.