Karantena òf kuarentena ta un restrikshon riba e traslado di persona i merkansia ku e intenshon pa preveni plamamentu di malesa o pestedat. Ku frekuensia e ta wordu apliká pa medio di preveni moveshon di esunnan ku posibelmente tabata exponí na un malesa transmisibel, pero ku no tin un diagnósis médiko konfirmá. Den tal kaso ta usa e "karantena" komo sinónimo di "isolashon médiko".
Ta posibel pa apliká karantena na ser humano òf animal di tur tipo; òf na tur dos den kaso di kontrol na frontera o sea denter di un pais.
E palabra ta derivá di e palabra na latin quadaginta, ku ta nifika kuarenta (40). Originalmente a usa e palabra aki durante e Pèst Pretu di siglo diescuater. Aki a isola personanan kontagia ku e plaga durante 40 dia prome ku nan por meskla ku otro hende. Por mira e prinsipio di 40 dia aki apliká tambe na e palabra kuaresma di iglesia katóliko.
Na 2020 paisnan ront mundu a apliká karantena pa kombati e plamamentu di e coronavirus COVID-19. Karantena a yega di wòrdu apliká den pasado pa malesanan manera tífùs, tuberkulósis, pèst, ebola i bruela di macaco.
Referensia
- E artíkulo aki òf un vershon anterior di dje ta un tradukshon di e artíkulo Karantena riba e Wikipedia ingles, ku ta kai bao di e lisensia Creative Commons Attribution/Share Alike. Mira e historia di edishon einan.
