Islanan Falkland (ingles: Falkland Islands, spaño (Islas) Malvinas òf Islas Falkland), ta un grupo di isla den region sùitwest di Oséano Atlántiko òf Laman Argentino, den e ekstremo sùitost di Argentina. E archipielago tin un superfisie di tera di 12.173 km² i un poblashon di 3662 habitante na 2021.
E islanan ta forma un teritorio britániko ultramar, dependiente i no outónomo, ku ta kai bou Reino Uni. E ta pertenesé na un di e 17 teritorio riba e lista di Nashonnan Uni di teritorionan no outónomo bou di supervishon di e Komité di Dekolonisashon di Nashonnan Uni. Argentina ta reklamá e grupo di islanan, loke a kondusí na e Guera di Falkland na 1982 durante e término di Margaret Thatcher komo promé minister di Reino Uni.
E dos islanan mas grandi ta Ost Falkland i West Falkland. E kapital di islanan Falkland ta Stanley, establesé riba e isla di Ost Falkland. E habitantenan di e islanan tin nashonalidat britániko i ta papia ingles. Nan ta haña nan entrada prinsipalmente for di peska i kuido di karné.
Fuente, nota i/òf referensia
