Un idioma artifisial ta un idioma ku un hende òf grupo a krea intenshonalmente. Otro nòmber pa tal lenga ta "konlenga" (un kombinashon di "konstruí" i "lenga" manera "conlang" na ingles).
Ehèmpel di mas famoso ta Esperanto, kreá pa Ludwig Zamenhof (1859-1917) pa fasilitá komunikashon internashonal.
Un otro ehèmpel famoso ta Klingon. Lingwista Marc Okrand a krea idioma Klingon pa un pelíkula di "Star Trek." Outor J.R.R. Tolkien tambe a krea idiomanan pa añadí elemento di realismo na kultura imaginario.
Lingwistanan okashonalmente a krea idioma sintétiko chikitu ku karakterístika selektá pa studia e proseso di siñamentu di idioma.
Ademas e kreashon di konlenganan ta un hòbi pa algun hende.
