ChatGPT (abreviashon di ingles: Chat Generative Pre-trained Transformer) ta un chatbot. E programa a ser lansá komo prototipo na novèmber 2022 dor di OpenAI i ta basá riba OpenAI su famia GPT-3.5 di modelo di idioma grandi (Large Language Model, LLM). E tin tantu téknika di supervishon komo téknika di siñamentu reforsá.
Sinku dia despues di su lansamentu e wèpsait di ChatGPT tabatin mas ku un mion usuario. Na yanüari 2023, ChatGPT a yega mas ku 100 mion usuario. El a haña atenshon pa su kontestanan den hopi área di konosementu, pero fayonan den eksaktitut ta ser bisa di ta un desbentaha importante.
Karibe Hulandes
Na Kòrsou, e organisashon literario Wintertuin Curaçao a tuma e inisiativa di bin ku un modelo di idioma grandi meskos ku ChatGPT, pero dediká kompletamente na idioma papiamentu. Despues di kuater aña di investigashon i desaroyo "LengaGTP" posiblemente lo tin su lansamentu na 2025.
Fuente, nota i/òf referensia
