I Sir David Alan Chipperfield (míbayit 18 ya ing Deciembre 1953) métung yang Britanicong arquitectu. Tétag né ing David Chipperfield Architects anyang 1985, a míka pangyatung presencia kapamílatan da réng oficina na king London, Berlin, Milan, ampóng Shanghai.
Anyang 2023, simbut né ing Pritzker Architecture Prize, a tutúring dang prestihiosung dlíing galal king arquitectura. Kayábé ya karéng mánimúná nang obra ing River and Rowing Museum king Henley-on-Thames, Oxfordshire (1989–1998); ing Museum of Modern Literature in Marbach, Germany; ing Des Moines Public Library, Iowa (2002–2006); ing Neues Museum, Berlin (1997–2009); ing The Hepworth Wakefield king Wakefield, West Yorkshire (2003–2011), the Saint Louis Art Museum, Missouri (2005–2013); ampó ing Museo Jumex king Lakanbalén ning Mexico (2009–2013).
