Vilatge d'Occitània
Trentels (Trentels en francés) es una comuna occitana d'Agenés, situada dins lo departament d'Òut e Garona e la region de Novèla Aquitània, ancianament d'Aquitània.
Geografia
Perimètre del territòri
| Vilanuèva d'Òut | Sent Albin, Montsegur | Condesaigas, Sent Vit de Dòrn |
| Sent Salvèstre d'Òut | 
|
Sent Jòrdi |
| Pena d'Agenés | Tremonts |
Toponimia
Trentels. Bénédicte Boyrie-Fénié cita las fòrmas ancianas: parrochia de Terentel (sègle XIII, en occitan), parrochia de Trantello (sègle XIII, en latin), parrochia de Terentello (1271, en latin), eccl. de Terentello Agennen di., (1310, en latin), capella de Terenteli (1326, en latin), Trenteil (1360, en occitan), eccl. Sancti Christophori de Terentello (1502, en latin), eccl. Sancti Christophori de Tarentello (1518, en latin), r. de Tarentello (1520, en latin). La prononciacion es [treŋ'tel].
I a pas agut d'interpretacion del nom, ni per Dauzat e Rostaing, ni per Negre, ni per Astor, segon B. Boyrie-Fénié. La toponimista supausa que la finala de la fòrma de 1360 es falsa: se podiá dejà pas destriar, segon ela, entre -l e -elh (caldriá donc interpretar -eil coma una ipercorreccion). L'origina seriá lo cognomen Tarantellus e l'evolucion auriá donat Tarantellu(m) > *Trentello. -S finala seriá pas presenta dins la prononciacion [treŋ'tel], citada per Bénédicte Boyrie-Fénié, qu'escriu Trentel, pr'amor de l'evolucion istorica. Se sap çaquelà que sovent, dins l'oèst occitan, lo gentilici sense sufixe pòt far modificar lo nom: Trentel ----> *los trentels ----> Trentels. Se i a pas, o pas mai, d'èssa finala dins la prononciacion, cal escriure Trentel, coma fa (una verificacion sul terrenh seriá pas inutila). Pr'aquò, normalament, Tarantellus mena a Trentèl e pas a Trentel. I a una gens Terentilla (coneguda per la lex Terentilla, vertat es a nauta epòca, Terentilla es lo diminutiu de Terentia, a l'epòca imperiala) e caldriá puslèu corregir l'atribucion a Terentillus, coma nom del mèstre de la proprietat que venguèt Trentel. Lo resultat regular es *Trentil, mès jos l'influéncia de -l pòt passar a Trentel.
Ladinhac. Lo vilatge a una glèisa, es donc una anciana parròquia. Logicament, se deu pas tractar lo nom coma lo d'una persona qu'auriá un nom d'origina, lo del vilatge de sos aujòls, mès coma los nombroses Ladinhacs d'Occitània, que son de propietats anticas. Per Dauzat e Rostaing, Ladinhac ven del nom d'òme latin Latinius, emb lo sufixe -acum.
Istòria
La comuna foguèt absorbida abans 1806 per Pena d'Agenés. En 1839, foguèt creada a partir de Pena d'Agenés, en recebent Ladinhac, anciana parròquia, e Laval, anciana annèxa de la parròquia de Sent Anhan. Sent Anhan es dins la comuna actuala de Sent Salvèstre d'Òut.
Administracion
| Periòde | Identitat | Etiqueta | Qualitat | |
|---|---|---|---|---|
| mai de 2020 | 2026 | Lionel Paillas | ||
| març 1983 | 2020 | André Bonneilh | divèrs esquèrra | |
| 1983 | ||||
| Totas las donadas non son pas encara conegudas. | ||||
- Abans la refòrma cantonala de 2014, aplicada en 2015, la comuna èra del canton de Pena d'Agenés; es ara del canton de Le Fumélois (en francés).
Demografia
Evolucion demograficaPopulacion comunala actuala (2013): 818, totala: 844
1793 1800 1806 1821 1831 1836 1841 1846 1851
1 315
1 272
1 244
1856 1861 1866 1872 1876 1881 1886 1891 1896
1 179
1 234
1 175
1 116
1 082
1 034
1 057
978
954
1901 1906 1911 1921 1926 1931 1936 1946 1954
947
916
902
837
823
769
831
810
850
1962 1968 1975 1982 1990 1999 2006 2007 2008
923
886
916
801
836
825
818
817
819
846
2009 2010
821
849
820
847
- comuna creada en 1839
- En 2018 la populacion èra de 885 abitants e la densitat èra de 45,45 ab/km².
