.jpg?width=1280)
Nebraska es un estat dels Estats Units d'America que se trapa a l'encòp dins lo Midwest e las grandas planas. Es bordat pel Dakota del Sud al nòrd; Iowa a l'èst e Missorí al sud-èst, ambedos de l'autre costat del flume Missorí; Kansas al sud; Colorado al sud-oèst; e Wyoming a l'oèst.
Los pòbles autoctòns, especialament los Omaha, Missouria, Ponca, Pawnee, Otoe e divèrsas brancas de las tribús Lakota (Sioux), visquèron dins la region durant de millenis abans l'exploracion europèa. L'Estat foguèt travèrsat per l'expedicion de Lewis e Clark en 1805.
La superfícia de Nebraska es d'un pauc mai de 200 000 km2, amb una populacion de prèp de 1,9 milion d'abitants. Sa capitala es Lincoln e sa pus granda vila Omaha, qui se trapa en riba de Missori. Nebraska foguèt admés coma Estat en 1867, dos ans après la fin de la Guèrra Civila Americana.
