La condicion fisica es un estat de santat e de benèstre que representa la capacitat de complir d'activitats esportivas, professionalas e jornadieras. Es generalament lo resultat d'una alimentacion equilibrada, d'una activitat fisica moderada a intensa e d'un repaus sufisent, associats a un programa de recuperacion estructurat.
Avant la Revolucion Industriala, la condicion fisica èra definida coma la capacitat de realizar lei pretzfachs jornadiers sensa lassitge excessiu. Pasmens, amb l'automatizacion, la motorizacion e l'evolucion dei mòdes de vida vèrs la sedentaritat, es desenant considerada coma la capacitat dau còrs de foncionar corrèctament au trabalh ò durant lei lesers, de demorar en bòna santat e de resistir ai malautiás liadas a l'activitat fisica.
Liames intèrnes
- Alimentacion sana.
- Exercici fisic.
- Igiena.
