L'avar es una lenga caucasenca del nòrd-èst parlada en Russia, en Azerbaitjan e en Turquia.
Localisacion
L'avar es parlat dins la Republica de Daguestan, dins lo Caucàs rus. D'autres avars vivon en Azerbaitjan. La lenga es tamben parlada en Turquia, ont vivon benlèu 10 000 avars, descendents d'exiliats arribats al XIX sègle, après la conquista russa del Caucàs.
Classificacion e dialèctes
L'avar es classificat dins la familha de las lengas caucasencas del nòrd-èst, ont forma lo grop avaroandi amb l'akhvakh, l'andi, lo bagwalal, lo botlikh, lo chamalal, lo godoberi, lo karata e lo tindi.
Los dialèctes avars son partejats en dos grops. Los dialèctes del nòrd son lo salatau, lo khonzakh e l'avar de l'èst. Los dialèctes del sud son lo gid, lo batlukh, l'antsokh, lo zakatal, lo karakh, l'andalal, lo kakhib e lo kossor. La lenga literària es basada sus los dialèctes del nòrd.
Fonts
- (ru) M. E. Alekseyev, 1999, Avarskiy iazyk, dins G. Klimov (ed.) Iazyki Mira - Kavkazskie iazyki, p. 203-216, Moscòu, Akademia.
- (de) Georgij A. Klimov, 1994, Einführung in die kaukasische Sprachwissenschaft (traduch del rus per Jost Gippert), Hamborg, Helmut Buske Verlag.
Portal de las lengas
