Umlomo kusisitho somzimba umuntu asisebenzisa ukukhuluma nokudla. Kusisitho esenza bona umuntu abenepilo. Umlomo wenziwe ngeendebe ezimbili zangaphasi nangaphezulu ekungizo ezenza bona umlomo ukghone ukuvaleka. Umlomo unemihlathi esemahlangothini wawo. Ngaphezulu ngaphakathi emlomeni kunolwangeni bese ngaphasi kunelimu. Umlomo unamazinyo ama-32 ngaphakathi kwawo Kanye namathe.
Umsebenzi womlomo
Ukudla, ukugaya Ukudla, nokunambitha
Umlomo Sebenza ukuwamukela Ukudla umuntu akudlako bese uthome ugaye Ukudla lokho ngamazinyo ekusisitho esihlala gaphakathi komlomo. Ukudla kuthoma ukugayeka emlomeni ngaphambi kukuthi kudlulele emathumbini. Ukudla kuyeka umlomeni ukunzela bona kukghone ukwehla ngomphimbo kuye emathumbini.Umlomo unezinto ezenza bona umuntu akghone ukunambitha lokho akudlako okutjho bona akghone ukuzwa into ebabako, esudu, emuncu nofana eduma. Umuntu ukghona ukuzwa bona ukudla kumnandi nofana kumbi ngomlomo.
Ukukhuluma
Umlomo udlala indima ekulu ekutheni umuntu akghone ukukhuluma ngombana ngiwo owenza bona umuntu akghone ukwakha amagama begodu akghone nokuthi awaphimise.
Ukutlhogomela umlomo
Kufanele umlomo utlhogomelwe ngombana lokho kuzokuvikela bona umuntu angatholi amagcikwane emlomeni. Nawutlhogomela umlomo uzokwenza bona amazinyo ahlale ahlanzekile angaboli. Ukuba nomlomo ahlanzekile kwenza bona umlomo ungabi nephunga elimbi begodu ungatholi ukugula kweensini. Kwenza bona ube nokuzithemba lokha momothekako ngombana kuzokuvela amazinyo amahle ahlanzekileko.Umlomo usisitho somzimba esenza bona umuntu akghone ukukhuluma, ukunambitha Kanye nokudla. Kufanelwe unakekelwe ukuze ungabi namagcikwane nofana amazinyo angaphakathi kwawo angaboli. Ukutlhogomela umlomo kufanele ubhratjhe amazinyo begodu utlubhe upule umlomo ukususa amagcikwane angaba ngemlomeni. Kufuze ubalekele Ukudla okunesigwiri enengi nofana Ukudla okune aside ngombana ngikho okukhuthaza ukubola kwamazinyo neminye imiraro emlomeni. Kufanale uvakatjhele udorhodere wamazinyo ngasikhathi ukwenzela bona ukghone ukuthola imiraro yomlomo kusesenesikhathi bese uyilungise kusese nesikhathi.
