Olaf Broch

Olaf Broch (4. august 1867–28. januar 1961) var ein norsk språkforskar og slavist, og professor i slaviske språk ved Universitetet i Oslo frå 1900.

Broch er i ettertida framforalt kjend for arbeidet med russenorsk, som han publiserte i Norsk tidsskrift for sprogvidenskap i 1927, men i samtida var han mest kjend som forfattaren av det som lenge var standardverket innanfor slavisk fonetikk, frå 1911. Broch skreiv også om norsk, m.a. om norsk intonasjon.

Broch var grandonkel til Ingvild Broch. I lag med Ernst Håkon Jahr tok ho arbeidet hans med russenorsk, og skreiv det som har vorte standardreferansen til russenorsk.