Henry Stommel

Henry Melson Stommel (27. september 1920–17. januar 1992) var ein amerikansk oseanograf og meteorolog.

Han var professor i oseanografi ved Massachusetts Institute of Technology frå 1959 og var òg tilknytt Woods Hole Oceanographic Institution. I 1948 gav han ei teoretisk forklaring på asymmetrien i dei store vinddrivne straumsystema, og har elles gjort banebrytande arbeid om sirkulasjonen i verdshava. Særleg kjend er monografien The Gulf Stream frå 1958.