Charlie Watts

Charles Robert «Charlie» Watts (2. juni 1941–24. august 2021) var trommeslagar i The Rolling Stones, og var i lag med Mick Jagger og Keith Richards einaste medlem som var med heilt frå starten av og fram til han døydde i 2021. Watts vart stundom kalla «The Wembley Whammer», eit tilnamn han fekk av Mick Jagger under ein konsert.

Han var òg ein bandleiar innanfor jazz og gav ut fleire album som Charlie Watts Orchestra og Charlie Watts Quintet på 1980- og 1990-talet.

I 1960 starta han å spele i lag med Alexis Korner og starta etter kvart sitt eige band, Blues Incorporated. I januar 1963 vart han overtydd til å verte med i The Rolling Stones.