Shanghai

Wapen/Flagg Koort

Basisdaten Inheemsch Naam: chineesch 上海市, Shànghǎi Shì Sitt: Shanghai

Staat: Volksrepublik China
Unmiddelbaar regeerd Stad: Shanghai

Flach: 6.340,5 km² Inwahners: 24.870.895 (2020) Inwahnerdicht: 3.922,5 Inwahners pro km² Hööchd: 3 m över de See Postleettall: 200000 Vörwahl: (+86) 21 Geograafsche Laag: 31° 14′ N, 121° 28′ O Grenzen bi OSM: 913067  Börgermeester: http://english.shanghai.gov.cn/nw46669/index.html Websteed: https://shanghai.gov.cn

Shanghai, ook Schanghai schrèven, (chineesch 上海,  Shànghǎi ^D) es de wichtigste Industriestad in’r Volksrepublik China un ene van den gröttsten Städen weltwied.

To Shanghai höört buten de Binnenstad, in de wat bi 15 Millionen Minschen lèvet, vèle Stadbezirke in’n Ümmeland, in de 8 Millionen Lüde wònet. De Binnenstad es dicht bebuuwd, man de Butenbezirken lett os up’n Lande. Olns tohope lèvet 24.870.895 Minschen in Shanghai (Stand: Zensus 2020). Dat sind œver ene Millionen meer as bi den Zensus 2010, as bi 23 Millionen Minschen in’r Stad lèven. Bummelig 15,9 Millionen Minschen lèvet duurhaft in Shanghai (戶口 / 户口, hùkǒu) un 7,1 Millionen, med enen Uphooldverlööv up Tied, lèvet för korte Tied in’r Stad (流動人口 / 流动人口, liúdòng rénkǒu).

Shanghai ist ene unmiddelbaar verwalt Stad, dat heet, de Status kümmt ene Provinz liek. De Stad es man 6340,5 km² (2012) groot. An den Jangtsekiang winnt de Stad man jümmerto Land, denn daar koget se den Stroom in.

De Haven van Shanghai es med 47,28 Millionen TEU dat Jaar de gröttste Containerhaven weltwied (Stand: 2022).

De Stad es een wichtigen Verkeersknütten un wichtig för de Kultuur med vèlen Museums, Theaters, Hoogscholen, Universitäten un Forschinstituten.