Korsika is en to'n grooten Deel ut hooch Bargen bestahn Eiland in de Middellannsche See un stellt politisch en Region vun Frankriek dor. Se liggt westlich vun Italien, up de Hööcht vun de Abruzzen, nöördlich vun de italieensch Insel Sardinien un süüdööstlich vun dat Moderland. Nah Sizilien, Sardinien un Zypern is Korsika de veertgröttste Insel in de Middellannsche See.
De Region Korsika besteiht ut de beid Départements Corse-du-Sud un Haute-Corse. Korsika hett en Flach vun 8.680 km² un 309.693 Inwahner (Stand 1. Januar 2010). De Hööftstadt vun de Region is Ajaccio.
Städer
Bedüüdend Städer (in Klammern jeweils de korsisch Naam):
- Ajaccio (Aiacciu): Hööftstadt vun dat Departement Corse-du-Sud, Gebortsstadt vun Napoleon
- Bastia (Bastia): Hööftstadt vun dat Departement Haute Corse, wichtige Hafenstadt
- Bonifacio (Bunifaziu): süüdlichste Stadt vun Korsika
- Calvi (Calvi): wichtige Hafenstadt in' Nordwesten
- Corte (Corti): Olt Hööftstadt vun Korsika in't Zentrum vun de Insel, Sitt vun de Universität Pascal Paoli Korsika
- Sartène (Sartè): gellt as de „korsischste vun all korsisch Städer“
Weblenken
Corse. Mehr Biller, Videos oder Audiodateien to’t Thema gifft dat bi Wikimedia Commons.
- Korsika: ein Gebirge im Meer – Offiziell Websteed vun Frankriek (düütsch)
- Collectivité Territoriale de Corse Offiziell Siet vun de Rebeetskörperschap (franzöösch)
- Universität vun Korsika in Corte
- Offiziell Siet vun dat Frömdenverkehrsamt (düütsch, franzöösch, engelsch)
