Moede kump via 't Frans, van 't Latiense woord modus en betekent: meniere of wieze. De meniere waôrop (de meeste) kleren op een bepaôld mement mooi evunn'n wonn'n en wat edreug'n wonn'n is dus de moede. Moede is veural wat "veur-eschrev'n" wonn'n deur de moedehuzen.
Vake is 't op 't mement zelf neet duudlijk ho 't moedebeeld is. Eers achterôf wonn'n iets herkend as de moede van bieveurbeeld de jaôren '50 (petticoat, vetkuve).
Moede bestiet neet allinnig bie kleer'n. Oek de stiel waôrop bieveurbeeld huz'n ebouwd wonn'n hef van doon mit de moede. Der mut in een stiel ebouwd wonn'n dee op dat mement mooi evunn'n wonn'n. Bie de huzenbouw wonn'n dit een stiel eneumd. Zelfs gedien'n, vloeren en badhaanddok'n bin hem van mit moede.
Moede hef so goed as altied al bestôan. In de prehistorie was 't neet heel arg belangriek ho-j derbie leupen. De Grieken en Romeinen kenn'n wisse al wel moede. Ze voeg'n oek snip-snaoderieje en biebeheuren toe an der kleren. In de middeleeuwen hannen de aodel prachtige riale kleer'n, terwiel 't gemiddelde volk in zien vodden rondleup. Opvallend van Frankriek in disse tied, mit de prachtige victoriaanse stiel. De vergangen 100 tot 200 jaôr is moede een veul grotere rolle gaôn speul'n.
