Two Micron All-Sky Survey သို့မဟုတ် 2MASS သည် အနီအောက်ရောင်ခြည် ရောင်စဉ်ဖြင့် ကောင်းကင်တစ်ခုလုံးအား နက္ခတ္တဆိုင်ရာ လေ့လာရေး စီမံကိန်းတစ်ခုဖြစ်သည်။ ယင်းသည် ၁၉၉၇ ခုနှစ်မှ ၂၀၀၁ ခုနှစ်အထိ အမေရိကန်၌ Fred Lawrence Whipple Observatory တွင်လည်းကောင်း၊ ချီလီနိုင်ငံ Cerro Tololo Inter-American Observatory ၌လည်းကောင်း ၁.၃ မီတာရှိ တယ်လီစကုပ်ကို အသုံးပြုကာ ကမ္ဘာတောင်ဘက်ခြမ်းနှင့် မြောက်ဘက်ခြမ်းအသီးသီးတို့တွင် လေ့လာခဲ့သည်။
2MASS သည် နေအဖွဲ့အစည်းရှိ ဂြိဟ်သိမ်များ၊ ကြယ်ပုညိုများ၊ ထုထည်နည်းကြယ်များ၊ ကြယ်အစုအဝေးများ၊ ဂလက်ဆီများ၊ နက်ဗျူလာများအပါအဝင် နက္ခတ္တဆိုင်ရာ object ပေါင်း ၃၀၀ မီလီယံအား စာရင်းပြုစုမှတ်တမ်းတင်ပေးခဲ့သည်။ ယင်းအပြင် အခြား အရာဝတ္ထုပေါင်း ၁ မီလီယံကျော်အားလည်း 2MASS Extended Source Catalog တွင် မှတ်တမ်းတင်ခဲ့သည်။ မှတ်တမ်းဝင် အရာဝတ္ထုများကို "2MASS" ဟုရှေ့တွင်တပ်၍ စာရင်းပြုစုသည်။
