Anthrax (се чита: Антракс) - американска треш-метал-група од Њујорк. Групата била основана во 1981 година по иницијатива на гитаристите Скот Јан и Дени Лилкер, а оттогаш имаат издадено единаесет студиски албуми и преку 26 синглови. Биле едни од најпопуларните треш метал групи од доцните 80-ти, а често се вбројуваат во Големата четворка на треш сцената, заедно со Металика, Мегадет и Слеер. Официјалните податоци говорат дека во САД имаат продадено 3 милиони примероци од своите студиски изданија, додека во светот таа бројка е 15 милиони.
Од првата постава на бендот останале само членовите Скот Јан, Чарли Бенанте и Френк Бело, кои воедно се појавуваат на секој студиски албум. Низ годините бендот имал двајца пејачи, и тоа Џои Беладона и Џони Буш. Од поранешните членови, значаен е придонесот на гитаристот Ден Спиц, кој учествувал во снимањето на шест албуми на Антракс. Последен албум на составот е For All Kings, кој бил издаден во 2016 година.
Членови на групата
Сегашни членови
- Скот Ијан – ритам-гитара, пратечки вокал (1981–денес), главна гитара, водечки вокал (1981)
- Чарли Бенанте – тапани (1983–денес)
- Френк Бело – бас, придружен вокал (1984–2004, 2005–денес)
- Џои Беладона – главен вокал (1984–1992, 2005–2007, 2010–денес)
- Џон Донаис – главна гитара, придружен вокал (2013–денес)
Дискографија
Студиски албуми
- Fistful of Metal (1984)
- Spreading the Disease (1985)
- Among the Living (1987)
- State of Euphoria (1988)
- Persistence of Time (1990)
- Sound of White Noise (1993)
- Stomp 442 (1995)
- Volume 8: The Threat Is Real (1998)
- We've Come for You All (2003)
- Worship Music (2011)
- For All Kings (2016)