1995

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7503 и 7504 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6745 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5755 и 5756 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2748.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт Цар или 2637 г. п.н.е.; додека други сметаат дека за почеток треба да се земе годината кога Жолтиот Цар станал владетел, т.е. 2697 г. п.н.е. На тој начин, според првото гледиште, 1995 година се протега во 4631 и 4632, додека според второто гледиште, годината трае во текот на 4691 и 4692 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2538. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1415 и 1416 исламска година.

јануари

• 1 јануари - Австрија, Финска и Шведска стануваат членки на Европската Унија.
• 1 јануари - Основана е Светската трговска организација.
• 5 јануари - Владата на Република Македонија донесе одлука за воспоставување на дипломатски односи меѓу Република Македонија и Република Узбекистан и Република Молдавија.
• 11 јануари - Република Македонија воспостави дипломатски односи на амбасадорско ниво со Република Романија и со Кралството Саудиска Арабија.
• 17 јануари - Катастрофален земјотрес го потресува градот Кобе, Јапонија, предизвикувајќи огромна материјална штета и убивајќи 6,433 лица.
• 18 јануари - Струмица стана членка на Федерацијата на карневалските градови.
• 27 јануари - Република Молдавија и Република Македонија воспоставија дипломатски односи.

февруари

• 15 февруари - Во Мала Речица е основан Тетовскиот универзитет.

март

• 1 март - Основан е Јаху.
• 16 март - Издадени се обврзниците за селективни кредити на Народна банка на Република Македонија.

април

• 18 април - Регистрирана е Партијата за демократски просперитет на Албанците.

мај

• 7 мај - Жак Ширак е избран за претседател на Франција.

јуни

јули

• 11 јули - Силите на Босанските Срби влегуваат во муслиманската енклава Сребреница, при што е извршен масакр над повеќе илјади муслимански мажи и машки деца.

август

• 4 - 7 август - Хрватските сили преку Операцијата Бура против српските сили во Краина ги принудуваат да се повлечат од Краина.
• 28 август - На сараевскиот пазар се убиени 37 цивили.
• 30 август - НАТО започнува со бомбардирање на позициите на српската артилерија во Босна и Херцеговина.

септември

• 13 септември - Во Домот на пратениците во Скопје се одржа основачкото собрание на Македонската берза на долгорочни хартии од вредност АД Скопје.
• 13 септември - Македонскиот министер за надворешни работи Стево Црвенковски и неговиот грчки колега Каролас Папуљас во Њујорк ја потпишуваа Привремената спогодба за нормализација на односите помеѓу Македонија и Грција. Со спогодбата Грција се обврзува да ја прекине економската блокада на Македонија, во замена за промена на официјалното знаме на Република Македонија. Проблемот со името е оставен да се решава во иднина.

октомври

• 3 октомври - Во Скопје е извршен атентат врз Претседателот на Република Македонија, Киро Глигоров.
• 12 октомври - Република Македонија е премена во редовно членство на Организацијата за Безбедност и Соработка во Европа.
• 15 октомври - Грција ја прекинува економската блокада кон Република Македонија.
• 27 октомври - Република Македонија официјално стана 38-ма членка на Советот на Европа.
• 30 октомври - На референдум во Квебек е отфрлен предлогот за независност на Квебек од Канада.

ноември

• 15 ноември - Република Македонија станува потписник на програмата на НАТО, Партнерство за мир.
• 27 ноември - Црвениот крст на Република Македонија е примена во членство на Меѓународната федерација на Црвениот крст и Црвената полумесечина.

декември

• 1 декември - Хавиер Солана е избран за генерален секретар на НАТО.
• 14 декември - Потпишан е Дејтонскиот мировен договор, со кој е ставен крај на воениот конфликт во Босна и Херцеговина. Потписници на договорот се Алија Изетбеговиќ, претседател на претседателството на Босна и Херцеговина, Фрањо Туѓман, претседател на Република Хрватска и Слободан Милошевиќ, претседател на СР Југославија.

• 20 април - Милован Ѓилас, југословенски политичар
• 24 мај - Харолд Вилсон, британски премиер
• 25 мај - Крешимир Ќосиќ, хрватски кошаркар и тренер
• 29 јуни - Лана Тарнер, американска глумица
• 16 јули - Стивен Спендер, британски поет.
• 4 ноември - Јицак Рабин, израелски премиер
• 16 ноември - Петре Прличко, доајен и еден од втемелувачите на македонската театарска уметност, глумец и режисер.
• 11 декември - Мика Трипало, хрватски политичар
• 25 декември - Дин Мартин, американски глумец