Stadion MetLife adolah sabuah stadion di East Rutherford, New Jersey, Amerika Serikat, sabagai bagian dari Meadowlands Sports Complex di wilayah metropolitan New York. Stadion iko adolah kandang New York Giants jo New York Jets dari National Football League dan barado dakek jo lahan bekas Stadion Giants, kandang Giants samanjak tahun 1979 sampai tahun 2009 dan Jets samanjak tahun 1984 sampai tahun 2010.
Sarupo jo pandahulunyo, stadion baru iko adolah stadion NFL satu-satunyo nan dibagi basamo duo tim. Namun baaitu, indak sarupo Giants Stadium katiko Jets adolah mitra junior, stadion baru iko punyo kamitraan 50/50 di antaro kaduo tim NFL tasabuik, dan meski stadion iko dimiliki dek New Jersey Sports and Exposition Authority sasuai nan tatulih, kaduo tim basamo-samo mambangun stadion manggunoan dana pribadi dan mangalolanyo basamo malalui New Meadowlands Stadium Corporation.
Stadium iko dibukak tanggal 10 April 2010 sajalan jo diadoannyo patandiangan lacrosse Big City Classic. Dengan biaya pembangunan sekitar $1,6 miliar, Stadion iko adolah stadion olahraga tamaha nan pernah dibangun di dunia. Stadion iko marupoan stadion jo kapasitas tamasuak gadang di antaro stadion markas tim NFL lainnyo.
Pado 25 Mei 2010, diumumkan bahwasanyo Super Bowl XLVIII disalanggaroan di stadion iko, nan mambuek untuak partamo kalinyo Super Bowl diadoaan di wilayah metropolitan New York dan untuak partamo kali pulo stadion tanpa kubah di Amerika Serikat Utara mangadoan patandiangan sepak bola Amerika dalam tingkek profesional.
