Sendi

Sendi (bahaso Inggirih: joint) atau artikulasi (bahaso Inggirih: articulation) marupokan hubuangan antartulang di dalam badan nan mambuek tulang-tulang dapek baguno sabagai suatu sistem rangka. Sistem muskuloskeletal (gabuangan sistem otot dan rangka) pado hewan vertebrata (tamasuak manusia) umumnyo tadiri dari tulang, otot, dan sendi (dibantu dek tendon, ligamen dan tulang rawan) nan mamungkinkan hewan vetebrata untuak bagarak dan bapindah tampek dongan copek. Sendi tulang ko sandiri manyatukan tulang-tulang nan ado sabagai sabuah sistem rangka nan longkok, sahinggo mamungkinkan tabantuaknyo pagarakan tabateh pado bagian-bagian badan dangan bantuan otot. Sendi tarutamo tadapek pado makhluk hiduik barangko, ajak manusia dan hewan vertebrata.