Ramallah adolah sabuah kota Palestina di Tapi Barat tangah nan bafungsi sabagai ibu kota administratif de facto nagara Palestina. Kota ko talatak di Pagunuangan Yudea, 10 km utara Yerussalem, pado katinggian rato-rato 872 meter di ateh parmukaan lauik. Pado tahun 2024, panduduaknyo bajumlah 43.880 jiwa.
Ramallah didirian pado abaik ka-16 dek Haddadin, sabuah suku Arab Kristen. Kota tu mampunyoi siso-siso arkeologi dari zaman sabalumnyo, takah pandam pakuburan kuno nan tabuek dari batu. Wilayah kota ko kamudian bagian dari Kasultanan Utsmaniyah pado tahun 1517 basamo kasadoan wilayah Palestina. Salamo Parang Dunia I, kota ko dirabuik dek Inggirih pado bulan Desember 1917 hinggo barado di bawah Mandat Palestina pado tahun 1920-an. Ramallah kamudian manjadi ibu kota de facto Palestina katiko Pamarentahan Palestina dibantuak pado tahun 1995.
