Ceres (panamoan planet minor 1 Ceres; simbol: ) adolah ciek-cieknyo planet katai di Tata Surya Dalam. Ceres marupoan bando langiik babatu jo ba-es dengan diameter sagadang 950 km dan marupoan planet katai paliang ketek nan parnah basobok. Massa Ceres maliputi sapartigo massa sabuk asteroid. Basobok pado tangga 1 Januari 1801 dek Giuseppe Piazzi, Ceres marupoan asteroid patamo nan basobok, meskipun pado sangkek itu objek iko diklasifikasi sabagai planet. Pado 24 Agustus 2006, Persatuan Astronomi Internasional mamutuihan untuak maubah status Ceres manjadi "planet katai".
Parmukaan Ceres mungkin marupoan campuran antaro es aia jo babagai mineral tahidrasi takah karbonat jo lempung. Planet katai iko tampaknyo terdiferensiasi dengan inti nan babatu jo mantel nan ba-es, dan mungkin manganduang samudra di bawah parmukaannyo. Dari Bumi, magnitudo tampak Ceres ba-variasi antaro 6.7 hinggo 9.3, sahinggo terlalu redup untuak dicaliak jo mato talanjang kacuali kok langik sangaik kalam.
Namo
Piazzi awalnyo mangusulan namo Cerere Ferdinandea, nan dinamoi dari tokoh mitologis Ceres (dewi agrikultur Romawi, dalam bahasa Italia disabuik Cerere) jo Raja Ferdinand III dari Kerajaan Sisilia. "Ferdinandea" indak ditaimo dek negara lain sahinggo dihapuihan. Ceres juo sempat disabuik Hera di Jerman. Di Yunani, namo objek iko adolah Demeter (Δήμητρα), nan marupoan dewi Cerēs versi Yunani; dalam bahaso Inggirih, namo tersebut digunoan untuak asteroid 1108 Demeter. Bantuak adjektif Ceres dalam bahaso Inggirih adaloh Cererian, nan barasa dari bahaso Latin Cerēris. Lambang astronomi lamo Ceres adolah sabit ⚳ (); lambang iko kudian diganti manjadi ①.
Unsur cerium nan basobok pado tahun 1803 dinamai dari Ceres. Pado tahun nan samo, unsur lain juo dinamoi dari Ceres, tapi panamunyo mangganti namonyo manjadi palladium (dari asteroid 2 Pallas) katiko cerium dinamoi.
