On zentaver (o zentavor) l’è ona crejadura mitega che la riva giò de la mitologia classega. La banda de sòtta del sò còrp l’è istessa a quella de on cavall; quella de sora, inscambi – che la scomenza de quell ch’el sariss el còll del cavall – la gh’ha di fatezz umann, e la tacca de la vitta de l’hòmm o de la fòmna a segonda del sess de l’individov. Ind i mitt de la Grezzia antiga, se diseva che quij crejadur chì vivessen in sui montagn de la Tessalia e che i fudessen salvadegh coma di cavaj indomabij. De lì adree, i figuren pœu anca ind la mitologia romana e ind el bestiari medieval e, anca al dì de incœu, gh’hann ancamò ona bella presenza ind la literadura fantastega.
El zentaver pussee zeleber l’era el Chiron, ch’el se incargava de l’educazzion di gioven eròj.
Ligamm de fœura
- Wikiquote el gh'ha dent citazzion de o su zentaver
- Wikimedia Commons el gh'ha dent imagin o alter archivi su zentaver
