| Quell articol qì l'è scrivud in Lombard, cond l'ortografia Scriver Lombard. |
Ol foder (dal longobard fōdr), ind el volt Medioevo l'era un tribut in natura, de pagar con cibo e foragg, qe i citadin g'hiva de dar per mantegnir ol sovran, ol so esercet e la so aministrazion.
Col desligar-s de l'Imper Carolinj, ol foder l'è deventad un dirit rivendicad dai Scior locai, fina a quando, col cresser de l'economia dopo l'ann 1000, l'è passad a vesser versad in moneda. Tamen, anc'mò ind el XII secol, Federig Barbarossa l'ha circad de imponir-l ai liber cumun, per mantegnir l'esercet imperial quando 'l rivava ind i so territore. L'è una di clausole ind la pax de Costanza.
