Werner Forner (nasciûo a Colònia, a-i 10 de Seténbre do 1946) o l'é 'n lengoìsta tedésco specializòu into stùdio de léngoe romànze.
Biografîa
Dòppo a Maturitæ Clàscica, stùdio da romanìstica, do latìn e da lengoìstica generâle a Colònia e a Aix en Provence. Licence-ès-Lettres 1969 a Aix, dotorâto e ezàmme de Stâto 1974 a Colònia, segóndo ezàmme de Stâto 1975 a Bonn.
O l'à travagiòu in scê divèrsci dialétti da léngoa lìgure, sorviatùtto in sciô zenéize e in scî dialétti da zöna de Àrpi Marìtime.
Ativitæ profescionâli
Ascisténte de filologîa romànsa a l'Universcitæ de Colònia inti ànni 1973-1974; 1975-79: profesô de licêo (Françéize e Italiàn); 1976-79: Universcitæ de Duisburg: incaregòu de doî córsci (Françéize / Italiàn de specialitæ); 1979-88: Universcitæ de Giessen: profesô asociòu (“Rat”) de lengoìstica romànsa; 1986-87: bórsa de riçèrca da Deutsche Forschungsgemeinschaft pò-u progètto “lìgure alpìn”; 1988-2011: Universcitæ de Siegen: profesô universcitâio de romanìstica; da-o 2011: profesô emêrito.
Specialitæ de riçèrca
Variaçión lengoìstica inte l'ànbito romànso:
- Variaçión fra stîli lengoìstichi (léngoa poética; léngoa de specialitæ) (Françéize, Òcitàn, Italiàn, Spagnòllo);
- Variaçión diâtòpica/diâcrònica (paragón fra scistêmi scìmili / fra perîodi stòrichi) (parlæ òcitànn-e e nòrd-italiànn-e, mascimaménte lìguri).
