Berkelland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Berkelland is 'n gemeinte in de Nederlandse provincie Gelderland, in d'n Achterhook, mèt 'n oppervlak vaan 260,43 km² (daovaan 1,71 km² water) en (per 1 januari 2007) 45.188 inwoeners. Kerne zien Avest, Beltrum, Borculo (hoofplaots), Brinkmanshoek, Broeke, De Bruil, De Haar, De Heurne, Eibergen, Geesteren, Gelselaar, Haarlo, Holterhoek, Hoonte, Hupsel, Leo-Stichting, Lintvelde, Lochuizen, Loo, Mallem, Neede, Noordijk, Noordijkerveld, Olden Eibergen, Rekken, Rietmolen, Ruurlo en Veldhoek.

De gemeinte Berkelland oontstoont in 2005 bij 'n groetsjaolege herindeiling in d'n Achterhook oet 'n fusie vaan de aw gemeintes Borculo, Eibergen, Neede en Ruurlo. Ze is geneump nao 't reveerke de Berkel, wat oonder mie door Borculo en Eibergen struimp. Binne de gemeinte ligk ouch 't natuurgebeed 't Achterveld.