Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Alabama (Spreek oet: Ellebemmaa) is qua inwoenertal (oongeveer 5 mieljoen) de 24ste staot vaan de VS. 't Ligk in 't zuidooste vaan de VS, aon de Golf vaan Mexico. De staot grens wijer aon Mississippi, Georgia, Florida en Kentucky. De hoofstad is Montgomery Stad.
't Is eigelek neet dudelek boeveur Alabama e roed kruus op de veendel heet stoon, mer meugelek is de vlag aofgeleid vaan Spaonse vlagge mèt 't Bourgondisch kruus. De vlag liek ouch väöl op de aw vlag vaan Ierland, die ouch bestoont oet e roed andreaskruus op e wit veld. De bijnaom vaan de staot is Yellowhammer State (geelgorsstaot).
Geografie
't Oppervlak vaan de staot bedreug 135.765 km² (boevaan 3,2% water). 't Klimaat vaan Alabama kint me 't mies vergelieke mèt 't klimaat vaan Fraankriek, dus e normaal landklimaat.
't Hoegste punt vaan Alabama is Cheaha Mountain, de res vaan de staot is tamelek plat. 't Liegste punt vaan de staot is Auburn Blocks. Daoneve heet 't ouch de mieste reviere vaan de VS. E paar belaankrieke reviere zien de Mobile, de Tensaw, de Tombigbee, de Alabama, de Chattahoochee, de Coosa, de Tallapoosa en de Tennessee.
Counties
Betrach Lies vaan counties in Alabama veur 't hoofartikel euver dit óngerwerp.
Alabama besteit uit 67 counties, boevaan de groetste Baldwin County is, en dee mèt de mieste inwoeners Jefferson County.
| Vereinigde Staote van Amerika |
|---|
| Alabama | Alaska | Arizona | Arkansas | Californië | Colorado | Connecticut | Delaware | Florida | Georgia | Hawaï | Idaho | Illinois | Indiana | Iowa | Kansas | Kentucky | Louisiana | Maine | Maryland | Massachusetts | Michigan | Minnesota | Mississippi | Missouri | Montana | Nebraska | Nevada | New Hampshire | New Jersey | New Mexico | New York | North Carolina | North Dakota | Ohio | Oklahoma | Oregon | Pennsylvania | Rhode Island | South Carolina | South Dakota | Tennessee | Texas | Utah | Vermont | Washington | West Virginia | Wisconsin | Wyoming |
| Aafhenkelike gebejer: Amerikaans Samoa | Amerikaanse Maageilenj | Baker Island | Goeam | Howland Island | Jarvis Island | Johnston-atol | Kingmanrif | Midwayeilenj | Naordelike Mariane | Navassa | Palmyra-atol | Puerto Rico | Wake |
