In Hamburg waere de eësjte vrejesbesjpraekinge gesjtart tösje de aorlogveurende partieje van de Dertigjaorige Aorlog en de Tachtigjaorige Aorlog. De aafsjpraak wirt gemaak óm de defenitieve vrejesóngerhanjelinge te laote sjtarte in Münster en Osnabrück.
14 jannewarie - De sjtad Malakka (Maleisië) capituleert veur de Nederlandjers. De Medemblikse kapitein Kaartekoe haet dan nog mer 650 soldaote euver. De res is doad mer de euverwinning levert de VOC eine hanjelspos op wo eëuwelank sjatte aan zulle waere verdeend.
2 mei – De 14-jaorige Willem van Oranje, zoon van Frederik Hendrik van Oranje, Sjtadhawwer van de Nederlandje, en gravin Amalie zu Solms-Braunfels, trouwt in de Keuningskapel in 't Whitehall-Pelies in Londe mèt de neugejaorige princes Maria Henrietta Stuart, awtste dochter van de Èngelsje keuning Karel I Stuart en princes Henrietta Maria van Frankriek.
juni - Sjtichting van de hanjelsnederzètting in Deshima, Japan.
12 juli - 't Verdraag van Defensieve en Offensieve Alliantie wirt óngerteikend door Portugal en de Repebliek der Zeve Verenigde Nederlanje. Dit verdraag haet gein effek in de Portugese kolonië (Brazilië en Angola) ónger Nederlandjse heërsjappiej ómdat 't door allebei de partieje neet wirt gerespecteerd.
28 juni t/m 29 juli - Belègk en inname van kesjteël Genneperhoes biej de sjtad Gennep ónger leijing van Frederik Hendrik.
21 augustus - De admiraal van de WIC Cornelis Jol zèt voot aan wal in Luanda naodat hae de bezètting van 't Portugese sjlavesjtation haet verjaag.
