| Axoca अशोकवर्धन | ||
| Imperor de Imperio Mauria | ||
| Periodo de governa: | 268 aec -232 aec | |
| Presedor: | Bindusara | |
| Seguor: | Dasarata Mauria | |
| Informa personal | ||
| Data de nase: | 304 aec | |
| Loca de nase: | Pataliputra (Barat) | |
| Data de mori: | 232 aec | |
| Loca de mori: | Pataliputra | |
Axoca ia es un imperor de Barat de la dinastia Mauria ci ia governa cuasi tota la sucontinente indian de 269 aec asta 232 aec. Un de la emperores la plu grande de Barat, Axoca ia rena sur cuasi tota Barat pos un cuantia grande de concistas. El ia abrasa budisme pos vide la mori de multe persones en la gera de Kalinga. El ia es dedicada a la estende de budisme tra Asia. El ia es la fio de la re Bindusara e la neta de Xandragupta.
En la 260 aec, Axoca ia ave un gera destruinte contra la stato de Kalinga (oji Odixa). El ia concista Kalinga, cual zero de sua asendentes ia fa. Alga eruditas sujesta ce ia parteni a la tradision jain, ma lo es asetada ce ia converti a budisme. La lejendas nara ce ia converti a pos vide la moris masosa de la gera de Kalinga, cual el ia declara con per un desira de concista. "Axoca ia refleta en la gera de Kalinga, cual lo ia resulta en plu ca 100 000 moris e 150 000 deportas, fininte con sirca 200 000 moris". El ia converti a budisme sirca 263 aec. El es recordada per la colonas de Axoca e la proclamas, per envia monces budiste a Srilanca e a Asia Sentral e pe construi monumentos indicante locas importante en la vive de Buda.
