De Syndicat intercommunal à vocation multiple des villes et communes luxembourgeoises pour la promotion et la sauvegarde d'intérêts communaux généraux, kuerz SYVICOL ass en interkommunale Syndikat, deen all d'Gemenge vum Lëtzebuerger Land zesummeschléisst.
No dem Artikel 1 vun de Statuten ass SYVICOL den Akronym fir: Syndicat des Villes et Communes Luxembourgeoises.
D'Büroe vum Syvicol fënnt een op Nummer 3 an der Rue Guido-Oppenheim an der Stad Lëtzebuerg.
Statute
Seng Statute goufen duerch Arrêté grand-ducal vum 29. November 1986 festgehalen (Mémorial B-87: 1612).
Déi neist Statute sinn den 20. Juli 2006 am Mémorial (B-53: 778-782) publizéiert ginn.
Geschicht
AVCL
D'Virgängerorganisatioun war d'AVCL (Association des villes et communes luxembourgeoises), déi zanter 1951 d'Interesse vun de lëtzebuergesche Gemengen op europäeschem an internationalem Plang vertrueden huet. Presidente waren:
| President | vun | bis |
|---|---|---|
| Hubert Clement | 1951 | 1954 |
| Antoine Krier | 1954 | 1963 |
| Henry Cravatte | 1964 | 1964 |
| Jos Wohlfart | 1965 | 1970 |
| Henry Cravatte | 1970 | 1986 |
D'AVCL war e Veräin deen d'Gemengen ni all konnt vertrieden. Bis d'Mëtt vun den 1980er Jore ware follgend Gemengen nach net bäigetrueden: Esch/Uelzecht, Diddeleng, Suessem, Réiser a Schëffleng.
SYVICOL
Ënner dem Impuls vum Henry Cravatte gouf 1986 d'AVCL opgeléist an de Syvicol an d'Liewe geruff.
Zanter 1993 sinn all d'Gemenge vum Land Member vum Syvicol. Presidente waren:
| President | vun | bis |
|---|---|---|
| Henri Cravatte | 1986 | 1990 |
| Léon Bollendorff | 1990 | 1983 |
| Norbert Konter | 1994 | 1999 |
| Jean-Pierre Klein | 2000 | 2009 |
| Dan Kersch | 2009 | 2012 |
| Emile Eicher | 2012 |
Um Spaweck
- Websäit vum SYVICOL
- Statute vum Syvicol op legilux.lu
