Den NGC 1559 ass eng Balkespiralgalaxie am Stärebild Reticulum (Netz) um südleche Stärenhimmel. Si ass ausserdeem och eng Seyfertgalaxie. Aktuell Observatiounen hu gewisen, datt d'Galaxie weeder een Deel vun engem Galaxiëkoup nach vun enger Galaxiëgrupp ass an och keng no Begleetgalaxie huet. Den NGC 1559 huet massiv Spiraläerm an huet eng staark Stäregenesis, d'Galaxie ass och eng Quell vu ganz staarker Radiostralung.
Am Joer 2005 war eng Supernova vum Typ Ia (SN 2005df) an der Galaxie. Zwou weider Supernovaen, déi am NGC 1559 observéiert goufen, waren d'SN 1984J an d'SN 1986L. Allen dräi goufe vum australeschen Amateurastronom Robert Evans entdeckt.
