El maltez es una de las linguas semitikas i la unika de esta famiya ke se eskrive en la su forma ofisiala kon el alefbet latino. En maltez la lingua se yama il-Malti (ke sinyifika literalmente "el maltez"). Asemeja munsho al arabo, por ser derivada de una forma suya antika. Sin embargo, porke esta lingua se dezvelopo en las izlas maltezas, por kuyo kondjunto es kompuesto un arkipelago muy serkano ala izla italiana de Sisilia, el maltez tomo enfluensias sinyifikativas del sisiliano i ademas unas kuantas del italiano. Estas enfluensias fueron tan espandidas ke la parte del vokabulario maltez derivada de linguas italikas se estima en serka de sinkuenta por sien.
Egzempios
Este egzempio es tomado del primér artikolo de la Deklarasion Universala de los Diritos Umanos:
- "Il-bnedmin kollha jitwieldu ħielsa u ugwali fid-dinjità u d-drittijiet. Huma mogħnija bir-raġuni u bil-kuxjenza u għandhom iġibu ruħhom ma' xulxin bi spirtu ta' aħwa."
- (“Kada benadam i benadam nase forro i igual en dinyidad i en derechos. Todos son baale razón i konsiensia i deven komportarsen los unos verso los otros kon fraternidad”)
