| Longitudo | 1498,6 chm |
|---|---|
| Altitudo fontis | 226 m |
| Decursus aquae | in ostio 1300 m³/s |
| Area systematis | 245 000 chm² |
| Fons | Regio Orelensis |
| Ostium | Rha in Novogardia Inferiore |
| Regio | Russia Europaea |
Occa, vulgo Oca (Russice Ока), etiam υτ Aucensis fluvius nota, est magnum flumen in Russia Europaea, Rha fluminis accolarum dextrorum maximus. Eius longitudo circa 1500 chiliometra est.
Fluxus
In regione Orelensi prope Alexandrovkam vicum oritur; per elevationem Russiae Mediae ad septentrionem in valle profunda fluens, in Orela urbe aquas Orlici accipit. In regionem Tulensem intrat et Uppam accolam accipit, post in regione Calugensi Ugram, ubi et Caluga regionis caput ad Occam sita est. Prope ad Calugam ad orientem vertit. A Serpuchovia ad Stupinopolim per confinium regionis Moscuensis et Tulensis fluit. Mosco accola in Columna urbe accepto ad meridiem et orientem per regionem Resaniensem in Resaniam fluit. Post Casimoviam per confinium regionis Volodimiriensis et Novogardiensis Inferioris flluit, ubi et Muromum urbs ad Occam situm est. In Novogardia Inferiore in Rha flumen effunditur.
Accolae
Urbes ad ripas sitae
Inter urbes in eius ripis sitas sunt:
- Orela regionis Orelensis caput
- Caluga regionis Calugensis caput
- Serpuchovia regionis Moscuensis
- Stupinopolis ibidem
- Kochira ibidem
- Columna ibidem
- Resania regionis Resaniensis caput
- Casimovia eiusdem regionis
- Muromum regionis Volodimiriensis
- Paulopolis ad Occam regionis Novogardiensis Inferioris
- et ipsa Novogardia Inferior regionis caput
Nexus externi
| Vicimedia Communia plura habent quae ad Occam spectant. |
Situs geographici et historici: Locus: , • OpenStreetMap • GeoNames • Store norske Lexikon • Treccani • Большая российская энциклопедия
- Pagina de Occa in tertia editione Encyclopaediae Sovieticae Magnae. (Russice)
