Facebook

Facebook

Logotypum
Informationes
Natura	Media socialia
Praecipuus conditor	Marcus Zuckerberg
Conditio	4 Februarii 2004
Director	Marcus Zuckerberg
Societates filiae	Facebook Instagram WhatsApp Oculus
Situs interretialis	facebook.com

Facebook ('Liber facierum'), a nonnullis Latine graecizante vocabulo Prosopobiblion vel Prosopobiblium appellatus, est media socialia interretialia retium congregabilium situs. Nomen a libro vultuum scholasticorum in quadam annua Universitatis Harvardianae classi ordinatorum deducitur. Usores situs Facebook amplius 1 000 000 000 hodie numerantur. Per Facebook amicos invenire, cum eis colloqui, in suo "muro" scribere nec non imagines imponere possunt. Lingua Latina inter alias apud eum situm adhibetur.

Facebook historia

Marcus Zuckerberg (anno 2005), Facebook conditor.

2 images

Haec commentatio vicificanda est ut rationibus qualitatis propositis obtemperet.
Quapropter rogamus ut corrigas, praecipue introductionem, formam, nexusque extra et intra Vicipaediam.

Die 28 Octobris, anno 2003, Marcus Zuckerberg, discipulus Universitatis Harvardianae psychologiae informaticaeque studens, situm Facemash creavit, quem The Harvard Crimson (huius universitatis acta diurna) censebat Facebook antecessorem fuisse. Hic situs interretialis similis paginae Hot or Not erat; Marcus Zuckerberg vero paginam Hot or Not adhibuit, photographematibus collectis usus ex tabulis retialibus vultuum IX domuum (apud Harvard), componens imagines duas et rogans ut spectatores hominem pulchriorem iudicarent.

Ut hoc perficeret, Zuckerberg perrupit in areas interretiales custoditas Harvardienses et duplicavit imagines discipulorum, quae datae sunt identificationis causa. Eo tempore Harvard non habebat suum proprium discipularium Facebook (tabulam interretialem imaginibus et indicio parvulo de unoquoque discipulo instructam), quamquam singulae domus ex annis octogenariis saeculi vicensimi sua propria in chartis Facebook praebebant. Attraxit Facemash spectatores 450 et aspectus paginarum viginti duo milia primis quattuor horis postquam Facebook in rete intravit.

Anno 2004 Zuckerberg Facebook una cum Dustin Moskovitz, Andrea McCollum, Chris Hughes, Eduardo Saverin creavit; societas Facebook die 4 Februarii condita est.