| Abrahamus Lincolnius Abraham Lincoln | |
|---|---|
| 16° Praeses Civitatum Foederatarum Americae | |
| 1861-1865 | |
| Antecessor | Iacobus Buchanan |
| Successor | Andreas Johnson |
| Natus | 12 Februarii 1809 Hodgenville Kentukiae |
| Obiit | 15 Aprilis 1865 Vasingtonia, D.C. |
| Praeses vicarius | Hannibal Hamlin (1861-1865) Andreas Johnson (1865) |
| Factio | Republicanus |
| Uxor | Maria Todd Lincoln |
| Ars | Causidicus Finitor Tabellarius |
| Religio | Nulla |
Abrahamus Lincolnius, sive fortasse Lincolnus, vulgo Abraham Lincoln (in Hodgenville Kentukiae natus die 12 Februarii 1809; Vasingtonia, C.C. necatus die 15 Aprilis 1865), fuit sextus decimus Praeses Civitatum Foederatarum, a die 4 Martii 1861 ad suam caedem mense Aprili 1865. Servitute abolito ab septemtrione, Civitates Foederatas feliciter ducebat per suarum discrimen maximum in Bellum Civile, Unionem conservans et servitutem in Civitatibus Foederatis abolens. Ante comitia anni 1860, Lincoln, humili loco eruditus et a seipso maximam partem educatus, fuerat causidicus rusticus, legislator civitatis Illinoesiae, membrumque Camerae Representativorum Civitatum Foederatarum, et bis creationem ut senator in Senatu Civitatum Foederatarum improspere petivit. Lincoln fuit deditus, quamquam necessarie absens, coniunx paterque quattuor liberorum. Auctui servitutis candide adversatus, nominationem Factionis Republicanae abstulit, et praeses electus est anno 1860, primus praeses Republicanus.
Cum magistratum teneret, adsidue laborabat ut secessio Civitatum Confoederatarum Americae in bello civili devinciretur. Leges rationesque reipublicae gerendae quibus servitus abolita esset introduxit, Manumissionis Edictum deinde orationem Gettysburgensis anno 1863 edidit, et postremo urgebat ut Emendatio Tertia Decima Constitutionis Civitatum Foederatarum sanciretur. Sex dies postquam Robertus E. Lee, imperator Exercitum Virginiae Septentrionalis, se Ulixi S. Grant, imperatori Exercitus Civitatum Foederatarum, dederat, Lincoln factus est primus Civitatum Foederatarum praeses insidiis interfectus: mortifero ex sclopeto vulnere a Ioanne Wilkes Booth histrione in Theatro Ford die 14 Aprilis 1865 inflictus, insequenti die obiit.
Bibliographia
- David Herbert Donald, Lincoln. Novi Eboraci: Simon and Schuster; Londinii: Cape, 1995. ISBN 0-224-04222-X
Nexus externi
| Vicimedia Communia plura habent quae ad Abrahamum Lincolnium spectant. |
Lexica biographica: Gran Enciclopèdia Catalana • Den store danske • Deutsche Biographie • Treccani • Store norske leksikon • • Congressus Civitatum Foederatarum
- Oratio ab Abrahamo Lincoln in Dedicatione Coemeterii Gettysburgensis Habita
- Biographia officialis Domus Albae (Anglice)
- Studia de Abraham Lincoln (Anglice)
Lege Ἄβραμος Λίγκων ("Abrahamus Lincolnius") apud Vicipaediam lingua Graeca antiqua scriptam
- Ostendere
- Recensere
- Historiam inspicere
