Dons hag eghen a ilow dhyworth Brasil yw Samba. Byttegyns, y tallethas samba yn Afrika. Yn ollvysel, konsidrys yw dhe vos arwodh a Vrasil ha karnival Brasil. Warbarth hag ilow Sertanejo, onan yw a venegyansow gonisogethel moyha apert Brasil, hag erbynn hedhyw, an samba yw ikon a honanieth kenedhlek Brasil.
Samba a dhallathas avel movyans ilow ha dons diwedh an 19ves kansvledhen war vargennyow tir yn powdir Rannvro Rio de Janeiro. Ena fondyes veu skolyow samba y'n 1920ow y'n cita. Yma diw jif eghen a samba yth yw pur dhyffrans: samba arnowydh an hel dhonsya, ha'n furv hengovek a Vrasil. Samba hengovek a gomprehend an samba donsyes solo yn Karnival. Y'n eghen na, donsyoryon a gemmer unn kamm war bub pols. Gwrys veu an dons hel dhonsya arnowydh yn Pow Sows, dre vras gans kammow aswiwys dhyworth an huni gwelys yn Brasil. An versyon ma yw donsyes a-derdro'n bys yn kesstrifow donsya keswlasek rewlys gans Kussul Dons an Bys.
- Chif daffar ilow samba trevek arnowydh
-
Pandeiro -
Surdo -
Tamborim -
Cuíca -
Ganzá
|
Onan a'n mil erthygel posekka war Wikipedya yw an erthygel ma. |
