Salix yw genas a 400 ehen a wydhen ha prysken, yn teylu Salicaceae, ow triga yn tylleryow oer a hanter-kylgh gogledh an Norvys. I a gar doryow gwylgh.
An moyha ehen yw henwys helyk yn Kernowek, mes neb gans del kul yw henwys owsyl. Salix yw gorow po benow ha Kathigenow (kuntellek kathik, unnplek kathigen) yw aga bleujyow. An prenn yw da rag gul glowbrenn, ha gwel salix yw da rag gul helygweyth. Rusk an salix yw da rag difres dolor.
Neb Ehenow
- Salix alba — Helyk gwynn
- Salix fragilis — Helyk bryw
- Salix viminalis — Owsyl
- Salix cinerea/Salix atrocinerea — Helyk loos
- Salix caprea — Helyk
- Salix purpurea — Owsyl purpur
