Danaw (hanow Latinek Hister) yw avon an nessa hirra yn Europa (Volga yw an hirra). Avon Danaw yw an hirra avon y'n Unyans Europek.
An avon yw 2,860 km (1,777 mildir) hir. Avon Brigach ha Avon Breg a wra junya war-barth yn Donaueschingen (yn ogas dhe'n Koos Du) ow kul Danaw. Avon Danaw a fros dres, po gul rann an amal a, dheg pow: Almayn, Estrych, Slovaki, Hungari, Kroati, Serbi, Roumani, Bulgari, Moldova hag Ukrayn. An avon a dhiwedh y'n Mor Du dres delta Danaw.
Danaw a fros dres sitys bras, yn aga mysk: Ulm, Regensburg yn Almayn; Linz, Wien yn Estrych; Bratislava yn Slovaki, Budapest yn Hungari; Vukovar yn Kroati; Novi Sad ha Belgrade yn Serbi.
Danaw yw henwys yn lies yeth aral: Esperantek Danubo, Bulgarek Дунав (Dunav), Almaynek ha Plattdüütsch Donau, Grew Dounavis, Hengrew: Ister, Hungarek Duna, Turkek Tuna, Latin Danuvius po Danubius, Romanek Dunăre, Kroatek Dunav, Serbek Дунав, Slovakek Dunaj, Ukraynek Dunay.
Danaw yw dowrhyns posek. Gorholyon keynvor a yll mos bys dhe Brăila yn Roumani. Gorholyon avon a yll mos bys dhe Kehlheim yn Bayern. Gorholyon byghan a yll mos bys dhe Ulm.
Yma tri dowrhyns gwriansel drehevys war Danaw:
- Kanel Danaw-Tisa-Danaw (DTD) yn ranndiryow Banat ha Bačka (Vojvodina, rannvro north a Serbi)
- Kanel Danaw-Mor Du (64km) yntra Cernavodă ha Constanţa (Roumani), gwrys yn 1984, hag a berrha an pellder dhe'n Mor Du a 400 km
- Kanel Roen-Main-Danaw (a-dro dhe 171 km), gwrys yn 1992, hag a gelm an Mor Kledh dhe'n Mor Du.
Skeusennow
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |
