Bosvena, po Bosvenegh, (Sowsnek: Bodmin) yw tre yn kres Kernow, Breten Veur, desedhys orth amal west Hal Fowydh. Fondys veu eglos managhti omma gans Sen Petrok y'n 6ves kansblydhen; ev a ros an hanow arall dhe Vosvena neb yw Petrockstow.
Eglos Sen Petrok a veu drehevys y'n 15ves kansblydhen, ha hi yw an brassa eglos yn Kernow. Diwysygneth sten o pennjist an erbysieth Bosvena dres brassa rann istori an dre. Yn 2004, yth esa 16, 600 a drigoryon y'n dre. [1] An poblans yn niveryans 2001 o 12,778. Lemmyn, 14,736 (2011), 16,909 (2021), 12,881 (2001) den a drig ena.
Profys re beu bos hanow an dre yn Sowsnek, Bodmin, dhiworth an geryow kernewek 'bos' ha 'menegh', mes kevys yw an hanow kyns fondyans an managhti a skoodh an profyans na. Mars yw gwir po kamm, Bosvena yw hanow an dre yn Kernewek hedhyw. Martesen an hanow a gampoll desedhyans menegh a-varra fondys gans Sen Guron, a gemeras Sen Petrok avel y dyller y honan.
Yma chi Lannhydrek y'n kyrghyn; abatti Sen Petrok a biwo an stat ma kyns Terros an Managhtiow gans Henry VIII.
|
Porth Kernow – Tre rag folennow ha klassys Wikipedya a-dro dhe Gernow. |
