Idi Amin Dada Oumee (jdb. 30 gulan 1928 - m. 16 tebax 2003) dîktatorekî leşkerî yê welatê Ûgandayê bû. Wî di navbera salên 1971 û 1979an de bi awayekî tund û totalîter Ûganda bi rê ve bir.
Amin di 1971ê de bi derbeyeke leşkerî xwe kir serok. Di 1972an de ferman da ku hemû kesên bi eslê xwe asyayî (hindî û pakistanî) ji Ûgandayê derkevin. Ev bûyer bû sedema xirakirina aboriya Ûgandayê.
Texmîn dikin ku di dema rêjîma Amin de 300.000-500.000 meriv hatine kuştin an windakirin. Ji bo vê yekê ew bi nasnavê "Qesabê Ûgandayê" jî tê nasîn.
