Kriische

Kriische eßß wann eijenm dä Troon eraff loufe. Dat ka zer Sällevsreijnijung vumm Oure sinn zem Beijspill wa_mer Öllisch jeschnedde odder ene suppehejße Quallmann jejäßße hät. Oder et eßß en Aat nit-sproochlijje Kommunikazjohn. Weijl dat Kriische weed op dä janze Ääd verstonn. Jeder weijß watt dat heijß, ad dä kleijne Panz. De Pänz kriische weijl se noh_net schwaade könne. Äwwer och wa_mer mulle ka wi en Waaschwiiv weed ma aav en zo kriische. Tüppische Ouslöser sinn Schmerz unn Druur. Ma kriisch ned so oof wa_mer daarelang et Ärm Deer hätt sonder mieh wann en plötzlijje Driss passeet.