11 سَتَمبَر حَملہٕ

11 ستمبرُک حملہٕ، یِمَن 9/11 تہِ ونان چھِ، ٲسؠ 2001 ہَس مَنٛز امریکہَس خٕلاف القاعدہ کہِ طرفہٕ ژورَن مربوط اسلامی مِلٹنٹ خۄدکش حملَن ہُنٛد اَکھ سلسلہٕ۔ کُنوُہ دہشت گردَو کٔرؠ ژور تجٲرتی ہوٲیی جہاز اغوا یَتھ مَنٛز 2,977 افراد ہلاک تہٕ ساسہٕ بٔدؠ زخمی گٔیہِ۔ اَمہِ کِس جوابَس مَنٛز کوٚر امریکہَن دہشت گردی خٕلاف جنٛگ شۆروٗع تہٕ کوٚرُن افغانستانَس پؠٹھ حملہٕ۔ القاعدہُک رہنُما اُسامہ بِن لادِن کوٚر گۄڈٕ شٲمِل آسنہٕ نِش اِنکار مگر پتہٕ کوٚرُن ذمہٕ دٲری قبوٗل۔ خالد شیخ محمد سٕنٛز پہچان ٲس حملَن ہُنٛد معمار پٲٹھؠ کرنہٕ آمٕژ۔ حملو سٟتؠ گوٚو کم کھوتہٕ کم 10 بلین ڈالر بنیادی ڈھانچہٕ تہٕ املاک نۄقصان، تہٕ ورلڈ ٹریڈ سینٹرچ سائٹچ صفائی آیہٕ مئی 2002 مَنٛز مکمل، امہٕ پتہٕ متٲثرینن اعزاز دینہٕ خٲطرٕ یادگارن ہنٛز تعمیر۔