Гарри С. Трумэн (ағылш: Harry S. Truman; 8 мамыр 1884 жыл, Ламар, Миссури штаты – 26 желтоқсан 1972 жыл, Канзас Сити, Миссури штаты) — мемлекет қайраткері, АҚШ-тың 33-президенті (1945 – 1953). Фермер отбасында дүниеге келген. Кеңсе, есеп қызметкері, фермер, дүкеннің еншілес қожайыны болды.
- 1914 – 18 жылы бірінші дүниежүзілік соғысқа қатысты.
- 1926 – 34 жылы Миссури штатындағы округтік соттың төрағасы болды.
- 1934 – 44 жылы сенатор болды.
- 1945 жылы қаңтарда Демокр. партиядан АҚШ вице-президенті болып сайланды.
- 1945 жылы сәуірден бастап (президент Ф.Д. Рузвельт қайтыс болғаннан кейін)
- 1953 жылдың қаңтарына дейін АҚШ президенті болды.
- 1945 жылы тамызда жапон қалалары Хиросима мен Нагасакиге атом бомбаларын тастау жөнінде бұйрық берді. Трумэн доктринасының, Маршалл жоспарының, НАТО-ны, т.б. әскери блоктарды құрудың бастамашысы болды.
