|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
Solanum ji (Solanum), yet a̱gai jenut nkyangtang-a̱byin ghwut nkywat wa a̱ byia̱ nkyangtang-a̱byin nkyayak na̱ yet a̱tsatsak ba̱t a̱ni: a̱dangka̱li wu, tumatut ji ma̱ng ga̱shyuo ji. Jija yet a̱gba̱ndang jenut a̱ swak ma̱ng shi hu mi̱ kwai Solanaceae ji, ji̱ byia̱ tangka̱i-tangka̱i 1,500. Ji̱ bu byia̱ nkyangtang-a̱byin ma̱ a̱di̱di̱t nang á̱ cyui mat nkywat nna na ma̱ng sum nna hu.
Mami ntangka̱i solanum na, á̱ mbyia̱ á̱si̱ na labeang swak a̱lyia̱ bah ma̱ng á̱si̱ na labeang swak ndyia̱ a̱feang bah, a̱yaaban, a̱bagá̱fi̱p, á̱ga̱fi̱p, ma̱ng a̱kukum a̱ka̱kwon. Jénera ji̱ yong a̱pyia̱ nji gbangbang nang Lycopersicon (tumatut ji) ma̱ng Cyphomandra shyia̱ mi̱ a̱bajenera ku si̱sa Solanum ji ma̱nini. Mat a̱nia wa, jenut ji a̱fwun si̱ byia̱ ntangka̱i nkyangtang-a̱byin na̱ shyia̱ kpa̱mkpaan ma̱ng 1,500–2,000 a̱ni.
