Air France (ყოფილი Société Air France), ფრანგული ავიაკომპანია შტაბ-ბინით რუასი-ან-ფრანსში, საფრანგეთი, და მსოფლიოს ერთ-ერთი უდიდესი ავიაკომპანია, Air France-KLM Group-ის შვილობილი და SkyTeam გლობალური ავიაკომპანიების ალიანსის დამფუძნებელი წევრი.
Air France-ს აქვს 20 საშინაო და 150 საერთაშორისო მიმართულება 83 ქვეყანაში (მათ შორის საფრანგეთის ზღვისიქითა ტერიტორიებზე). ავიაკომპანიის გლობალური ჰაბია პარიზის შარლ დე გოლის აეროპორტი, ხოლო მეორეული ჰაბებია პარიზის ორლის აეროპორტი, ლიონ-სენტ ეგზიუპერის აეროპორტი და ნიცის ლაჟვარდოვანი სანაპიროს აეროპორტი.
