Skype iku sawijining program komunikasi nganggo tèknologi P2P (peer to peer). Program iki minangka program bébas (gratis) lan digawé kanthi angkah panyadyan sarana komunikasi swara (voice) mawa kualitas dhuwur kang murah dhedhasar internet kanggo kabèh wong ing pérangan donya. Naraguna Skype bisa micara karo naraguna Skype liyané kanthi gratis, ngubungi telepon tradhisional kanthi béya (skypeOut), nampa panggilan telepon tradhisional (SkypeIn), lan nampa pesen swara. Tèknologi skype tinemu déning wirausahawan Niklas Zennström lan Janus Friis, worg kang uga nemu Kazaa ln Joost (P2P kanggo televisi). Skype banjur kompetisi karo protokol kabuka VoIP kang wis ana kaya SIP, IAX, lan H.323. Grup Skype kang diwangun ing sasi September 2003 banjur dituku déning parusahan lélang internet raseksa ing Amérika e-Bay ing sasi September 2005 lan duwé markas ing Luxembourg, Jerman lan kantor-kantor ing London, Inggris, Praha, Ruslan lan San Jose, California, A.S.
Sajarah
- 23 April 2003 Jeneng domain Skype.com lan Skype.net didhaptar
- 29 Agustus 2003 Versi beta publik pisanan diwetokaké
- 15 Juni 2004 Rilis beta versi 0.98.0.28
- 27 Juni 2004 Credit SkypeOut bisa dituku kanggo kang sapisanan liwat situs web Skype
- 27 Juli 2004 Rilis versi 1.0 kanggo Windows
- 20 Oktober 2004 Pisanan 1 yuta naraguna Skype online bebarengan
- 14 Fèbruari 2005 Pisanan 2 yuta kanthi online
- 10 Maret 2005 SkypeIn Public Beta diwiwiti
- 11 Maret 2005 Software wis didownload kaping 84 yuta lan 5.98 milyar menit wicara
- 15 April 2005 Didownload punjul 100 yuta
- 18 Mèi 2005 Telung yuta naragunaa Skype online bebarengan
- 12 September 2005 Skype diakusisi situs lélang online, eBay.
Uga delengen
- Perbandingan pesan instan
- Swara liwat IP
Pranala njaba
- Situs web resmi Skype
- Forum diskusi resmi Skype Archived 2004-12-20 at the Wayback Machine.
- Portable Skype (Windows)
